Kontzeju karrika 11, 31745 ITUREN (Baztan - Bidasoa) - T. (0034) 606 048 990

Etxearen istoria

Tresanea Nafarroan dagoen Ituren udalerriko etxe bat da. Herri hau gauregun Malerreka izeneko ibarrean kokatua dago, garai batean Santesteban de Lerin izen historikoaz ezagutua. Iturengo udalerrira bertaratzeko Lekunberritik Doneztebera doan NA-170 hartu behar da. Errepide horren 28’100 kilometroan —udalerriak duen izen bereko Ituren auzoan— aurkitzen da Tresanea izena daraman etxea.

Dokumentazio zaharrean XVI. mendeaz geroztik ageri da etxe honen izena. Teresa emakume izenaz eta –rena, geroago –nea bilakatutako euskal jabego atzizkiaz osatua dago eta ‘Teresaren etxea’ erran nahi du. Kontuan hartzekoa da etxe izen honen lekukotasun zaharrenean, 1544. urtekoan, jadanik Tresa izen laburtua ageri dela eta, gainera, hori dela orain arte iraun duen forma. Hortaz, bere izena Tresanea da, XIX. mendean Tresenea bilakatua, bokalen asimilazioaren eraginez, eta hortik atera da gaur egun ahoz erabiltzen den Trésenià forma, amaierako –ea hori –ia egiteko joera arruntaren ondorioz.

XVI. menderako egina zen etxe hura, antza denez, XIX.ean erabat eraberritu zuten, lau solairu eta lau isuritako teilatua dituen itxura ederreko etxea eginez, eta nortasun berezikoa, gainera, paretek daramaten arrosa koloreagatik.

Herriari buruzko informazio gehiagorako, ikus: www.ituren.eus

Etxea gaur egun

Eremu amankomunak

  Harrera eta informazioa (taxia, fax bidalketak, ordenagailu-lagapena eta abar).
– Egongela orokorra, 80 m2-tik gorako azalera duena, tximinia ondoan ezarritako sofa eta besaulkietan atseden hartzeko pentsatua. Telebista, mahai-jokoak, liburuak, prentsa eta abar ere baditu. Aparteko eremu bat ere badu, bezeroei gosariak zerbitzatzeko aproposa.
– Taberna* ere beheko solairuan kokatu da, lasai egoteko eta senitarteko edo lagunekin patxadaz hitz egiteko prestatua.
– Terraza, etxearen albo batean dago kokatua eta lorategian zuzenean sartzeko aukera ematen du. Bista ezin hobeak handik ikusten direnak.
– Lorategiz hornitutako jolasgunea ere badu eta garai bateko putzua eta ikuztegia zaharberrituta daude bezeroen eskura.
– Bizikletak, motoak, zaldiak eta abar gordetzeko etxola.

Zerbitzuak

– Aparkaleku pribatua.
– Igogailua.
– Minusbaliatuentzako sarrera.
– Wi-fia doan eremu komunetan.
– Ikuztegi-zerbitzua.
– Produktu tipikoen salmenta: gazta, likoreak, eztia eta abar.
– Erreserbak inguruko jatetxeetan.
– Bizikletak alokatzeko zerbitzua (kilometro gutxira, “Bide berdea” dago).
– Deskontuak inguruko jardueretan: kultura-bisitaldiak, bainuetxea, bizikletak eta abar.
– Konpainiako animaliak onartzen dira.